बेबारिसे महिलाको शव फेला

धरान । नाम, थर, वतन नखुलेको हल्का सडेगलेको बेबारिसे महिलाको शव इलाका प्रहरी कार्यालय महेन्द्र नगर चकरघट्टीले मंसिर ७ गते बराहक्षेत्र नगरपालिका वडा न. ९ धरहरा टप्पलमा फेला पारी बीपी कोइराला स्वास्थ्य विज्ञान प्रतिष्ठानको शवगृहमा पठाएको छ ।

महेन्द्रनगर चकरघट्टी प्रहरीले एक सूचना प्रकाशित गरी घोप्टो परेको अवस्थामा लास फेला परेको समेत जनाएको छ । लासको पहिचान हुन नसकेको जनाउँदै हुलिया तथा फोटो देख्ने जोकोहीले पहिचान गर्नु भएमा मृतकको आफन्तलाई इलाका प्रहरी कार्यालय महेन्द्रनगर चकरघट्टीमा सम्पर्क राख्न समेत सूचनामा जनाइएको छ । सूचनामा भनिएको छ अन्दाजी ४ फिट १० इन्च उचाई भएको, कपाल नभएको, हरियो च्यातिएको स्वीटर लगाएको, नाकमा फुली लगाएको, मझौता शरीर भएको, हेर्दा किरात मूलको जस्तो देखिने शव विगत ५ दिनदेखि प्रतिष्ठानको शवगृहमा सुरक्षित राखिएको छ ।