इतिहासमै सबैभन्दा कमजोर देखियो का“ग्रेस

कम्युनिष्टहरुसँग कुनै साइनो नराख्ने काँग्रेसका आर्दश पुरुष एवम् महामानव बीपी कोइरालाको आदर्शलाई नेपाली काँगेसको वर्तमान नेतृत्वले सडकमा मिल्काएर माओवादी केन्द्रसँग गठजोड गरेपछि इतिहासमै सबैभन्दा कमजोर भएको सर्वत्र महसुस हुन थालेको छ ।
नेपाली कँग्रेसका लागि शेरबहादुर देउवाको नेतृत्व सबैभन्दा अपसकुन भएको हाल आएर प्रमाणित गरेको छ । सत्तारोहण गर्नकै लागि देउवाले माओवादीसँगको गठबन्धनलाई घनिभूत बनाएका हुन् । तर यो गठबन्धनले नेपाली काँग्रेसलाई अत्यन्तै कमजोर, आदर्श विहीन, वैचारिक सून्यता बनाएको छ । जसका कारण नेपाली काँग्रेसका मुलुकैभरिका कार्यकर्ताहरुमा वितृष्णा उत्पन्न भएको छ ।
नेपाली काँग्रेस आफैमा सक्षम, सबल र क्षमतावान पार्टी हो । इतिहासले यो कुराको प्रमाणित गरिसकेको छ । राणासँग लड्न जनमतसंग्रह, प्रजातान्त्रिक आन्दोलको नेतृत्व सबै नेपाली काँग्रेसले नै गरेको छ । आÏनो बलियो जनाधार हुँदाहुँदै पनि नेपाली काँग्रेसले माओवादीको वैसाखी टेक्नुपर्ने अवस्था किन आयो ? कस्को कमजोरीले यो अवस्थाको सिर्जना भयो ? अब आम कार्यकर्ताले नेतृत्वको क्षमता र परिस्थितिको मुल्यांकन गर्नुपर्ने अवस्था आइसकेको छ । सक्षम राजनैतिक नेतृत्वले पहिला मुलुक, त्यसपछि दल अनिमात्र घर परिवारका बारेमा चिन्ता गर्छ । तर नेपाली काँग्रेसको वर्तमान नेतृत्व केवल आफ्नो
परिवार र आफूभन्दा माथिको सोचमा पुग्न नसक्दा कमजोर। लाचार बन्दै गएको हो । कमजोर र लाचारले मात्र अरुको वैसाखीको भर गर्छ । सक्षम र दुरदर्शी नेतृत्व भइदिएको भए सम्झौता गर्दा पनि आफूभन्दा बलियोसँग गर्ने थियो । आफू भन्दा कमजोरसँग सम्झौता हुँदैन र भएमा त्यो दीर्घकालीन सम्मका लागि घातक हुन्छ ।
पहिलो चरण अन्तर्गतको निर्वाचनमा माओवादीसँग स्थानीय कार्यकर्ताको भावना, इमान्दारितामाथि लात हान्ने काम गरे । कार्यकर्ताको मनोविज्ञा नै नबुझी निर्वाचनमा एलाइन्स गरे । त्यसले नेतृत्वप्रति चरम घृणा पैदा ग¥यो जसका कारण देशमा महत्वपूर्ण स्थानहरु काठमाण्डौ, पोखरामा काँगेसले विजय सुनिश्चित हुँदाहुँदै पनि हात धुनुप¥यो । यतिमात्र हेन जहाँ जहाँ काँग्रेसले माओवादीसँग एलाइन्स ग¥यो प्रायः सबै ठाउँबाट काँग्रेसले पराजयमात्र व्यहोर्नु प¥यो । संसदमा सबैभन्दा ठूलो पार्टीको हैसियतमा रहेको काँग्रेस स्थानीय निकायको निर्वाचनमा दोस्रो स्थानमा झ¥यो भने मुलुकैभरि पराजयको मात्र सम्भावना
रहेको माओवादी नाटकीय ढंगले तेस्रो स्थानमा देखा प¥यो । काँग्रेस माओवादीको गठबन्धनबाट सबैभन्दा ठूलो फाइदा एमालेलाई भयो । पहिलो चरणको निर्वाचनको वस्तुनिष्ट समीक्षा गरेर अगाडि बढ्नुपर्नेमा पार्टी सभापति शेरबहादुर देउवाको निर्देशन र हस्तक्षेपका कारण दोस्रो चरण अन्तर्गतको स्थानीय तह निर्वाचनमा प्रदेश नं. ७ मा सबै स्थानमा दुई दलबीचमा एलाइन्स गरिएको छ । भोलिका दिनमा यो गठबन्धनको फाइदा एमालेलाई नै पुग्न जान्छ । आर्थिक प्रलोभनमा प्रहरीको आइजीपी, प्रधान न्यायाधीशमाथि महाअभियोग प्रस्ताव लगाउनेबाट पार्टीले साख जोगाउन निश्चय नै मुस्किल पर्नेछ ।