नेपालका समाजवादी नेता, नेपाली काँग्रेसका संस्थापक, जन निर्वाचित प्रथम प्रधानमन्त्री बीपी कोइरालाको नाममा स्थापना भएको बीपी कोइराला भारत नेपाल फाउन्डेशनको ३३ औं सञ्चालक समितिको बैठक आइतबार लुम्बिनीमा सम्पन्न भएको छ ।
भारतका लागि नेपाली राजदूत दिपकुमार उपाध्याय र नेपालका लागि भारतीय राजदुत मन्जिव सिंह पुरीको संयुक्त अध्यक्षतामा सञ्चालक समितिको बैठक सम्पन्न भएको थियो ।
सञ्चालक समितिको बैठकले बीपी कोइराला भारत नेपाल फाउन्डेशनको काठमाण्डौस्थित भारतीय राजदुतावास र दिल्ली स्थित नेपाली दुतावासले ६ महिना यता भएका कामको सचिव स्तरीय प्रतिवेदन सार्वजनिक गरेको थियो । दुवैतिरका विस्तृत सचिव स्तरीय प्रतिवेदन प्रस्तुत भएपछि आगामी ६ महिनाका लागि गर्नुपर्ने कार्यको समेत खाका तयार गरिएको थियो । बीपी कोइराला भारत नेपाल फाउनडेशनले एक अर्काको कला सँस्कृति, शिक्षा, वाधवाधन, महिला र बालबालिकाको विकासमा विविध कार्यहरु सञ्चालन गर्दै आएको छ । फाउन्डेशनकै माध्यमबाट नेपालका कलाकारहरु दिल्ली पुगेर आÏनो प्रस्तुति दिँदै आएका छन् भने भरतीय कलाकारहरु समेत यदाकदा नेपालमा आएर आÏनो प्रस्तुति दिदै आएका छन् ।
