मुसुमुसु हालिदेउ गीतका गायक भुटियाको निधन

नेपालमा बस्ने नेपालीहरुमाझ मात्र नभएर भारतको सिक्किम, दार्जीलिङ्ग, आसाम, नागाल्याण्ड लगायतका स्थानसँगै विश्वका अन्यत्र बस्ने नेपालीहरु बीचमा समेत लोकप्रिय गीत मुुसुमुसु हासिदेउनका गायक नोर्देन तेन्जिङ्ग भुटियाको सोमबार निधन भएको छ ।
द हिमालयन व्याण्डमा आवद्ध भुटियाको बेलायतमा निधन भएको हो । सोमबार उनलाई असहज भएपछि अस्पताल लैजाने तरखर गर्दा गर्दै
अन्डरसटस्थित निवासमै उनको निधन भएको त्यही रहनु भएका धरानका विनोद मोक्तानले बताउनुभयो ।
सन् १९७१ सालमा बेलायती सेनामा भर्ती भएपछि पनि गायन क्षेत्रको रुचीलाई उहाँले रोक्न सक्नु भएन । उहाँले विजय थापा लगायतका आधा दर्जन साथीहरुसँग मिलेर हिमालयन व्याण्ड खोल्नु भएको थियो । सने २००६ देखि अचानक उहाँको घाँटीमा समस्या देखियो । पछि परीक्षण गराउँदा उहाँको घाँटीमा क्यान्सर लागेको थाहा भयो ।
उहाँले मुसुमुसु हासिदेउ न लै लै मात्र होइन, गाजलुले आँखै छोप्ने, मायाँले माया गाँसी देउ, फर्कि हेरे, चिसो बतासले, मलाई धेरै धेरै माया चाहिन्छ लगायत दर्जनौ मौलिक कर्णप्रिय गीतहरु गाउनु भएको छ । उहाँका दुई छोरी, एक छोरा र श्रीमति
रहनु भएको छ ।